Johann Sebastian Bach: Verskil tussen weergawes

* Een van die mees buitengewone dinge omtrent die mees buitengewone musikant in die geskiedenis, is die feit dat hierdie man se musiek wat vandag so 'n magiese aantrekkingskrag op ons uitoefen, en waarteen ons geneig is om die hoogtepunte in die kuns van musiek in die afgelope twee eeue op te weeg, dat hierdie musiek absoluut geen invloed op die musikante of die publiek van sy eie tyd uitgeoefen het nie. En die verbasende omtrent Bach is verder dat hy glad nie inpas by ons opvatting van die misverstane genie wat sy generasie jare vooruit was nie. Hy is inderdaad verkeerd verstaan, en dittog nie omdat hy sy tyd vooruit was nie, maar eerder omdat hy volgens die musikale ingesteldheid van sy dag, geslagte daaragter was.