Hemelse Vader... Help ons om goeie ouers te wees; Laat ons liefhe met 'n liefde wat verder kan sien as ons eie selfsugtige strewe. Leer ons om elke oomblik van ons lewe na u te kyk vir die regte leiding En laat ons hierdie groot taak wat U ons opgele het altyd as 'n voorreg beskou. Gee dat ons hart en siel verenig sal wees in een taak: Die wil van ons Here en Die beswil van ons naaste. Dat ons ons kinders sal leer om ook te gee en nie net te ontvang nie. Laat ons dit nie vir hulle te maklik maak nie. Leer ons die vreugde van saamwees en saamdoen. Leer ons om bly te wees. Gee ons die krag om altyd te kan luister Na hulle verlanges Na hulle vreugdes Na hulle hartseer Want so dikwels wil 'n kind maar net 'n oor he wat sal luister as hy praat. Leer ons om nie te veel te praat nie maar dat elke woord wat ons uitspreek, gewig sal dra Laat ons, ons beloftes aan hulle hou, want geloof word so makllik afgebreek. Leer ons veral om ons kinders naby U te hou - nie in ons woorde nie Heer - maar in dit wat ons daagliks doen. Versterk ons geloof sodat hulle geloof ook sterk kan bly. Gee ons wysheid Heer, om hulle die vreugde van regverdigheid te leer. Om altyd eerlik en opreg te wees onder die moelikste omstandighede. Laat hulle leer om nie te luister na wat mense van hulle se nie, maar dat hulle elke dag voor U sal rekenskap gee. Here, wat meer kan ons vra? Ons is so dankbaar dat U ons waardig geag het om ouers te wees. Amen.
